ఆమె అందర్ని సర్‌ప్రైజ్ చేసింది!!!

నటి శ్రీదేవి ఆకస్మిక మరణం యావత్తు సినీ అభిమానులను తీవ్ర దిగ్భ్రాంతికి గురిచేసింది. దక్షిణాది నుంచి బాలీవుడ్ దాకా మకుటంలేని మహారాణిలా వెలిగిన శ్రీదేవి గుండెపోటుతో హఠాన్మరణం చెందారంటే ఎవర్వూ జీర్ణించుకోలేక పోతున్నారు. ఇక శ్రీదేవి హఠాన్మరణానికి ముందు భర్త బోనీ కపూర్ ఆమెకు సర్‌ప్రైజ్ ఇద్దామనుకున్నాడట. కానీ అతిలోక సుందరి తన భర్తతోపాటు యావత్తు అభిమానులకు ‘సర్‌ప్రైజ్’ ఇస్తూ అనంత లోకాలకు తరలిపోయారు. మేనల్లుడి వివాహం కోసం దుబాయ్ వెళ్లి శ్రీదేవి, బోనీకపూర్ దంపతులు జుమీరా ఎమిరేట్స్ టవర్స్ హోటల్‌లో విడిది చేశారు. శనివారం రాత్రి శ్రీదేవికి ఊహించని విధంగా డిన్నర్ ఇచ్చి సర్‌ప్రైజ్ చేద్దామని బోనీ భావించారట. దీని గురించి ఆమెకు తెలియనీయకుండా జాగ్రత్తలు తీసుకున్నాడు. డిన్నర్‌కు ముందు నిద్రపోతున్న శ్రీదేవిని లేపి పావుగంట పాటు మాట్లాడారు కూడా.

అనంతరం డిన్నర్‌కు బయలుదేరే ముందు వాష్‌రూమ్‌కు వెళ్లిన శ్రీదేవి 15 నిమిషాలు గడిచినా బయటకు రాకపోవడంతో బోనీకపూర్ కంగారుపడ్డారు. వెంటనే వాష్‌రూమ్ వద్దకు వెళ్లి తలుపు కొట్టారు. లోపలి నుంచి ఎలాంటి స్పందన లేకపోవడంతో బలవంతంగా తలుపు తెరిచారు. లోనికి ప్రవేశించిన ఆయన అక్కడ పరిస్థితి చూసి నిశ్చేష్టుడయ్యాడు. వెంటనే తేరుకుని బాత్‌టబ్‌లో అచేతనంగా పడి ఉన్న శ్రీదేవిని లేపడానికి ప్రయత్నించారు. ఆమె నుంచి ఎలాంటి స్పందన లేకపోవడంతో వెంటనే స్నేహితులను పిలిచారు. అనంతరం పోలీసులకు సమాచారం అందించారు. కానీ వైద్యులు, పోలీసులు చేరుకునే సరికే శ్రీదేవి తుదిశ్వాస విడిచినట్టు బోనీ కుటుంబానికి సన్నిహితంగా ఉండేవారు తెలియజేశారు.

మరోవైపు నటి శ్రీదేవి పార్థీవదేహం తరలింపును దుబాయ్ పోలీసులు క్లియరెన్స్ ఇచ్చినట్టు సమాచారం. ఆమె భౌతికకాయానికి ఇప్పటికే పోస్ట్‌మార్టమ్ పూర్తి కాగా, ఫోరెన్సిక్ రిపోర్ట్ కూడా వచ్చినట్టు సమాచారం. దీంతో మిగతా లాంఛనాలను పూర్తిచేసి భౌతికకాయాన్ని కుటుంబసభ్యులకు అప్పగించనున్నారు. డెత్ సర్టిఫికేట్ వచ్చిన వెంటనే పాస్ పోర్ట్‌ను రద్దు చేసి, పబ్లిక్ ప్యాసికూటర్ సమక్షంలో పార్థీవదేహానికి బంధువులకు అప్పగిస్తారు. సోమవారం సాయంత్రం 5 గంటలకు శ్రీదేవి భౌతికకాయం ముంబైకి చేరుకుంటుందని భావిస్తున్నారు.